Latest News

ആദ്യ നോർത്ത് ഈസ്റ് കലാമേള ഒക്ടോബര് 22 ന്

2017-07-22 08:27:06am |

ന്യൂകാസിൽ .  യുക്മയും മലയാളി അസോസിയേഷൻ ഓഫ് നോർത്ത് ഈസ്റ്റും   സംയുക്തമായി സംഘടിപ്പിക്കുന്ന നോർത്ത് ഈസ്റ്റ്  കലാമേള  ഒക്ടോബർ  22 നു ന്യൂകാസിലിൽ വച്ച് നടത്തപെടുമെന്നു യുക്മ പ്രസിഡന്റ് മാമ്മൻ  ഫിലിപ്പ് , മാൻ ഭാരവാഹികളായ ഷെല്ലി ഫിലിപ്പ് , ജിബി വാഴക്കുളം എന്നിവർ അറിയിച്ചു .നോർത്ത് ഈസ്റ്റിലെ വിവിധ പ്രദേശങ്ങളിലുള്ള അസോസിയേഷനുകളെ  ഏകോപിപ്പിച്ചുകൊണ്ട്  നടക്കുന്ന കലാമേളയിൽ വിജയികളാകുന്നവർക്ക്‌ 28  നു നടക്കുന്ന യുക്മ ദേശീയ കലാമേളയിൽ  പങ്കെടുക്കാൻ അവസരം ഉണ്ടായിരിക്കും  .നാട്ടിലെ സ്‌കൂൾ യുവജനോത്സവങ്ങളോട് കിടപിടിക്കുന്ന രീതിയിൽ യുക്മ കാലങ്ങളായി നടത്തുന്ന ദേശീയ കലാമേളയിൽ പങ്കെടുക്കാൻ നോർത്ത് ഈസ്റ് മലയാളി കുട്ടികൾക്ക് ആദ്യമായി ലഭിക്കുന്ന അവസരം വിനിയോഗിക്കുവാൻ നോർത്ത് ഈസ്റ്റിലെ വിവിധ മലയാളി സംഘടനകളുടെ നേതുത്വത്തിൽ പരിശീലനം തുടങ്ങി കഴിഞ്ഞു . ന്യൂ കാസിലിൽ ആദ്യമായി നടക്കുന്ന ഏറ്റവും വലിയ സാംസ്കാരിക ഉത്സവമായി മാറുന്ന നോർത്ത് ഈസ്റ്റ് കലാമേളയ്ക്ക് ആതിഥേയത്വം ഒരുക്കുന്ന മാൻ  അസോസിയേഷൻ ന്യൂ കാസിലേക്ക് എത്തുന്ന മുഴുവൻ മലയാളികള്ക്കും കലാകാരന്മാർക്കും വേണ്ട ക്രമീകരണങ്ങൾ നൽകാനുള്ള ഒരുക്കത്തിലാണ് .നോർത്ത് ഈസ്റ്റിൽ ഏറ്റവും കൂടുതൽ സംസ്കാരിക പരിപാടികളും വലിയ സംഗീത നിശകളും അരങ്ങേറുന്ന സേജ് ഗേറ്റ് ഷെഡിൽ വച്ച് കലാമേള സംഘടിപ്പിക്കുവാൻ ആണ് സംഘാടക സമിതി പദ്ധതി ഇടുന്നത് .കൂടുതൽ വിവരങ്ങൾക്ക് ഷെല്ലി ഫിലിപ്പ് , ജിബി വാഴക്കുളം ,എൽദോസ് പോൾ , ഹണി ബാബു എന്നിവരുമായി ബന്ധപ്പെടുക .