Latest News

കലാകേരളം ഗ്ലാസ്ഗോയുടെ ഓണാഘോഷം സെപ്റ്റംബര്‍ ഒമ്പതിന്

2017-09-03 07:39:20pm | ജിമ്മിജോസഫ്

കലാകേരളം ഗ്ലാസ്ഗോയുടെ ഈ വര്‍ഷത്തെ ഓണാഘോഷങ്ങള്‍ സെപ്റ്റംബര്‍ ഒമ്പത് ശനിയാഴ്ച രാവിലെ 10 മണിക്ക് ഈസ്റ്റ്കില്‍ ബ്രൈഡ് ക്ലയര്‍ മൗണ്ട് പാരിഷ് ചര്‍ച്ച് ഹാളില്‍ നടക്കും. സാമൂഹിക, രാഷ്ട്രീയ രംഗത്തെ പ്രമുഖരുടെ സാന്നിധ്യം കൊണ്ട് ശ്രദ്ധേയമാകുന്ന വേദിയില്‍ യുവതലമുറയുടെ പ്രസരിപ്പും, പഴമയുടെ പരിചയ സമ്പന്നതയും ഒത്തുചേരുന്ന ആലോഷങ്ങള്‍ അവിസ്മരണീയമാക്കാനുള്ള സജീവ പ്രവര്‍ത്തനങ്ങളിലാണ് കലാകേരളത്തിന്റെ എല്ലാ അംഗങ്ങളും ‘

വളരെ കുറഞ്ഞ വര്‍ഷത്തെ പ്രവര്‍ത്തനങ്ങള്‍ കൊണ്ട്തന്നെ ശ്രദ്ധേയമായ സ്ഥാനം നേടിയ ഒരു ചെറു സംഘടനയുടെ ഓണാഘോഷ പരിപാടികളുടെ മുഴുവന്‍ സാമ്പത്തിക ചിലവുകളും ഏറ്റെടുക്കാന്‍ പ്രമുഖ വ്യവസായ സ്ഥാപനങ്ങള്‍ തയ്യാറായി മുന്‍പോട്ടു വന്നത് കലാകേരളത്തിന്റെ നാള്‍വഴികളില്‍ മറ്റൊരു നേട്ടമായി മാറുന്നുസമത്വത്തിന്റെയും ,സാഹോദര്യത്തിന്റെയും, മഹനീയ മാതൃക മനുഷ്യകുലത്തിന് നല്‍കിയ മാവേലി മന്നന്റെ ഐതിഹ്യ സ്മരണയാഘോഷിക്കുന്ന തിരുവോണ മഹോല്‍സവത്തിന് അരങ്ങൊരുങ്ങുമ്പോള്‍ ,താളമേളപ്പെരുമകളുടെ യും ,വഞ്ചിപ്പാട്ടിന്റെയും, നാദ, സ്വര, താള വാദ്യ, നാട്യങ്ങളുടെയും വിസ്മയ കാഴ്ചകളുടെ ആര്‍പ്പാരവങ്ങളില്‍ പങ്കെടുക്കുവാനും, കലാകേരള കൂട്ടായ്മയുടെ കരുത്തില്‍ തയ്യാറാക്കപ്പെടുന്ന വിഭവസമൃദ്ധമായ ഓണ സദ്യയുടെയും ഭാഗഭാക്കാകാന്‍ കലാകേരളത്തിന്റെ അഭ്യുദയകാംക്ഷികളേയും, സുഹൃത്തുക്കളേയും, സുമനസ്സുകളേയും കുടുബസമേതം ക്ഷണിക്കുന്നതായി കലാകേരളം ഭാരവാഹികള്‍ അറിയിക്കുന്നു.