Latest News

ബ്രിസ്‌ക ബാഡ്മിന്റണ്‍ ടൂര്‍ണമെന്റ് ഫെബ്രുവരി 17ന്

2018-02-01 03:06:33am | ജെഗി ജോസഫ്
ബ്രിസ്‌റ്റോള്‍ മലയാളി അസോസിയേഷനുകളുടെ സംയുക്ത കൂട്ടായ്മയായ ബ്രിസ്‌കയുടെ ഈ വര്‍ഷത്തെ ഓള്‍ യുകെ ബാഡ്മിന്റണ്‍ ടൂര്‍ണമെന്റ് ഫെബ്രുവരി 17ന് ബ്രാഡ്‌ലിസ്റ്റോക്ക് ലെഷര്‍ സെന്ററില്‍ വച്ച് നടക്കും.ഒരു മണി മുതല്‍ ആറു മണി വരെയാണ് മത്സരം. ആവേശകരമായ മത്സരമാണ് ഇക്കുറിയും പ്രതീക്ഷിക്കുന്നത്.
 
ഒന്നാം സമ്മാനം 101 പൗണ്ടും ട്രോഫിയും രണ്ടാം സമ്മാനം 75 പൗണ്ടും ട്രോഫിയും ആണ് സമ്മാനം. ബ്രിസ്‌ക ബാഡ്മിന്റണ്‍ ടൂര്‍ണമെന്റില്‍ ഇത്തവണ 12 15 വയസ് വരെയുള്ളവര്‍ക്കായി പ്രത്യേക മത്സരം നടക്കും. പ്രോത്സാഹനത്തിന്റെ ഭാഗമായി ഈ പ്രായ പരിധിയിലുള്ള മത്സരങ്ങള്‍ക്ക് രജിസ്‌ട്രേഷന്‍ ഫീസില്ല.
മത്സരത്തില്‍ പങ്കെടുക്കുവാന്‍ താല്പര്യമുള്ളവര്‍ ഫെബ്രുവരി 12 ന് മുന്‍പായി പേരുകള്‍ രജിസ്റ്റര്‍ ചെയ്യേണ്ടതാണ്. മുതിര്‍ന്നവര്‍ക്കായി:
 
മത്സരത്തില്‍ പങ്കെടുക്കുവാന്‍ താല്പര്യമുള്ള ബ്രിസ്‌ക അംഗങ്ങള്‍ക്ക് 15 പൗണ്ടാണ് രജിസ്‌ട്രേഷന്‍ ഫീസ്. ബ്രിസ്‌ക അംഗങ്ങള്‍ അല്ലാത്തവര്‍ക്ക് 20 പൗണ്ടാണ് രജിസ്‌ട്രേഷന്‍ ഫീസ്. 

കൂടുതൽ വിവരങ്ങൾക്ക് ബ്രിസ്ക സ്പോര്ട്സ് കോഡിനേറ്റർ സുബിൻ സിറിയക്കുമായി ബന്ധപ്പെടുക.

സുബിൻ :07515347262 

തിയതി ഫെബ്രുവരി 17 1 pm-6pm

സ്ഥലം 
 
St Bradleystoke leisure centre, fiddlers wood ln, Bristol BS32 9BS