Latest News

ബ്രിസ്റ്റോളിൽ സര്‍ഗ്ഗപ്രതിഭകളുടെ പോരാട്ട വേദി ഒരുങ്ങുന്നു. ബ്രിസ്‌ക സര്‍ഗ്ഗോത്സവം ഏപ്രില്‍ 21ന്

2018-03-21 11:13:39am |
ഓരോ മത്സരവും ഒരുപിടി പ്രതിഭകളെ സൃഷ്ടിക്കുന്നു. മാറ്റുരയ്ക്കുന്നവര്‍ തങ്ങളുടെ സര്‍ഗ്ഗാത്മക കഴിവുകള്‍ വേദിയില്‍ എത്തിക്കുമ്പോള്‍ അത് ആസ്വാദകർക്കും മികച്ചൊരു വിരുന്നായിരിക്കും. 
മുന്‍ വര്‍ഷങ്ങളിലെ പോലെ ഇക്കുറിയും ബ്രിസ്‌ക ബ്രിസ്റ്റോളിലെ പ്രതിഭകള്‍ക്കായുള്ള മത്സങ്ങള്‍ നടത്തുകയാണ്. ഏപ്രില്‍ 21നാണ് മത്സരം. രാവിലെ പത്തു മണി മുതല്‍ രാത്രി എട്ടു വരെ സൗത്ത്മീഡ് കമ്യൂണിറ്റി ഹാളില്‍ വച്ചാണ് മത്സരങ്ങള്‍ അരങ്ങേറുന്നത്.
രസകരമായ നിമിഷങ്ങളും മത്സരങ്ങളുടെ ആവേശവും ബ്രിസ്‌കയ്ക്ക് ഇക്കുറിയും മുതല്‍കൂട്ടാകും. വന്‍ തോതിലുള്ള ഒരുക്കങ്ങളാണ്  ബ്രിസ്ക എക്സിക്യൂട്ടീവ്   കമ്മിറ്റി ഇതിനായി നടത്തിയിരിക്കുന്നത്. മത്സരങ്ങൾക്കുള്ള രജിസ്‌ട്രോഷൻ ആരംഭിച്ചു. ഒരാള്‍ക്ക് അഞ്ച്  വ്യക്തിഗത മത്സരങ്ങളില്‍ പങ്കെടുക്കാം. 5 പൗണ്ടാണ്  രജിസ്ട്രേഷൻ ഫീസ്. ഗ്രൂപ്പ് മത്സരങ്ങളില്‍ ഒരു ടീമിന്  5 പൗണ്ടാണ്  രജിസ്ട്രേഷൻ ഫീസ്.
പ്രായം കണക്കാക്കി അഞ്ച് ഗ്രൂപ്പുകളായി തിരിച്ചാണ് മത്സരങ്ങൾ നടക്കുന്നത്.. 
കളറിങ്, പെയ്ന്റിങ്, പുഞ്ചിരി മത്സരം, ഉപന്യാസം. മെമ്മറി ടെസ്റ്റ്  
​,​ഫാന്‍സി ഡ്രസ്, സിംഗിള്‍ ഡാന്‍സ്, സെമി ക്ലാസിക്കല്‍, ഗ്രൂപ്പ് ഡാന്‍സ്  
 എന്നിങ്ങനെ രസകരമായ ഒട്ടേറെ മത്സരങ്ങള്‍ നടത്തുന്നുണ്ട്. മുൻ വർഷങ്ങളിൽ  വാശിയേറിയ മത്സരങ്ങൾ നടന്നിരുന്ന മിസ്റ്റർ ബ്രിസ്ക ,മിസ് ബ്രിസ്ക എന്നിവക്കൊപ്പം ഇക്കുറി മുതിര്‍ന്നവര്‍ക്കായി ബെസ്റ്റ് കപ്പിള്‍സ് എന്ന മത്സര ഇനം കൂടി ഉള്‍പ്പെടുത്തിയിട്ടുണ്ട്.
 രജിസ്‌ട്രേഷന്‍ നടപടികള്‍ പൂര്‍ത്തിയാക്കി  ആവേശത്തോടെ മത്സരങ്ങളുടെ ഭാഗമാകാന്‍ ഏവരേയും ബ്രിസ്‌ക പ്രസിഡന്റ്  മാനുവൽ മാത്യു, സെക്രട്രറി പോൾസൺ മേനാച്ചേരി എന്നിവർ  ക്ഷണിക്കുന്നു.
കൂടുതൽ വിവരങ്ങൾക്ക് സർഗോത്സവത്തിന്റെ ചുമതല വഹിക്കുന്ന ബ്രിസ്ക എക്സിക്യൂട്ടീവ് കമ്മിറ്റി അംഗങ്ങളായ സെബാസ്റ്റ്യൻ ലോനപ്പൻ,റെജി തോമസ് , സന്ദീപ് കുമാർ  എന്നിവരെ ബന്ധപ്പെടുക.
 
അഡ്രസ്
സൗത്ത്മീഡ് കമ്യൂണിറ്റി ഹാള്‍
248 ഗ്രെ സ്‌റ്റോക്ക് അവന്യൂ,
BS10 6BQ
വാർത്ത :ജെഗി ജോസഫ്   
 
പി ആർ ഓ .ബ്രിസ്ക.