Latest News

അസോസിയേഷൻ ആയാൽ ഇങ്ങനെ ആവണം. പറയുന്നത് സോഷ്യൽ കെയർ ബോധവൽക്കരണ സെമിനാറിൽ പങ്കെടുത്ത അനേകം കവന്റി മലയാളികൾ.

2018-11-02 02:42:05am |

കവന്റി കേരളാ കമ്മ്യൂണിറ്റിയെ സംബന്ധിചിടത്തോളം ഇന്നലെ ഒരു പുതിയ അദ്ധ്യായം കവന്റി കേരളാ കമ്മ്യൂണിറ്റിയുടെ ചരിത്ര താളുകളിൽ എഴുതപ്പെടുക ആയിരുന്നു. കവന്റി കേരളാ കമ്മ്യൂണിറ്റി അംഗങ്ങളുടെ കലാ, കായിക, സാംസ്കാരിക, വിനോദ, വിജ്ഞാന വികസനത്തിനു പുറമെ യുകെ മലയാളികൾ ദൈനന്തിന ജീവിതത്തിൽ നേരിടുന്ന വെല്ലുവിളികൾ തരണം ചെയ്യാൻ സോഷ്യൽ കെയർ ബോധവത്കരണ സെമിനാറും കേരളാ പിറവി ആഘോഷങ്ങളും ഇന്നലെ കവന്റിയിൽ നടത്തപെട്ടു.

രാവിലെ 10.30 ന് തുടങ്ങിയ സോഷ്യൽ കെയർ ബോധവത്കരണ സെമിനാർ കവന്റി സിറ്റി കൗൺസിലർ പട്രീഷ്യാ സീമൻ ഉല്ഘാടനം ചെയ്തു. സി കെ സി യുടെ നവീനവും നൂതനവും ആയ പ്രവർത്തനങ്ങളെ അനുമോതിക്കുന്നതോടൊപ്പം മുന്നോട്ട് കവന്റി സിറ്റി കൗൺസിലിന്റെ ഭാഗത്തു നിന്നുമുള്ള എല്ലാ പിന്തുണയും, സഹായങ്ങളും വാഗ്ദാനം ചെയ്തു.

ചൈൽഡ് പ്രൊട്ടക്ഷൻ ആന്റ് സൈഫ്ഗാഡിംഗ് ക്ലാസ്സിന് നേത്രുത്വം നൽകിയത് വാർവിക്ഷയർ കൗൺസിൽ സോഷ്യവർക്കർ ഷിൻസൺ മാത്യു ആണ്. അന്ധൾട്ട് സോഷ്യൽ കെയർ ഇഷ്യൂസിനെ കുറിച്ച് വാർവിക്ഷയർ കൗൺസിൽ സോഷ്യൽ വർക്കർ ശ്രീ ജോബി തോമസ് ക്ലാസ്സ് എടുത്തു. Cultural identity and its impact on families in UK എന്ന വിഷയത്തെ കുറിചും, എന്താണ് ഫോസ്റ്റർ കെയർ എന്നും, ഏഷ്യൻ ഫോസ്റ്റർ കെയ്റേഴ്സിന്റെ ആവശ്യത്തെകുറിച്ചും വാർവിക്ഷയർ കൗൺസിൽ സോഷ്യൽ വർക്കർ മിസ്സ് റെബേക്ക ക്ളിഫോഡ് ക്ളാസ്സെടുത്തു.

സി കെ സി യോടൊപ്പം കവന്റി സിറ്റി കൗൺസിലും, വാർവിക്ഷയർ കൗൺഡി കൗൺസിലും സംയുക്തമായി ചേർന്ന് നടത്തിയ ബോധവൽകരണ സെമിനാറിൽ പങ്കെടുത്തത് കവന്റിയിലും കവന്റിയുടെ പരിസരങ്ങളിൽ താമസിക്കുന്ന അനേകം മലയാളികളാണ്. ഇതിൽ പങ്കെടുത്ത എല്ലാവരും അവർക്ക് കിട്ടിയ അവസരങ്ങൾ മുതലെടുത്ത് അനേകം ചോദ്യങ്ങൾ ചോതിക്കുകയും സംശയങ്ങൾ തീർക്കുകയും ചെയ്തു.

സികെസിയുടെ ഈ പുതിയ ആശയത്തെ എല്ലാവരും സ്വാഗതം ചെയ്യുകയും ഇങ്ങനെയാവണം അസോസിയേഷൻ പ്രവർത്തിക്കേണ്ടതെന്നും തുറന്ന് പറയാൻ പലരും മടിക്കാണിച്ചില്ല. മലയാളികൾക്ക് തങ്ങൾ ദൈനന്തിന ജീവിതത്തിൽ നേരിടുന്ന പല വെല്ലുവിളികളും എങ്ങനെ തരണം ചെയ്ത് ധൈര്യത്തോടെ മുന്നോട്ട് നീങ്ങാം എന്ന് ഇന്നത്തെ ബോധവത്കരണ സെമിനാറിലൂടെ പഠിക്കാൻ സ്വാധിച്ചു. അതോടൊപ്പം സോഷ്യൽ വർക്കർമാര് നമ്മുടെ വീട്ടിൽ വരാതിരിക്കാൻ നാം എന്തെല്ലാം മുൻ കരുതലുകൾ എടുക്കണം, ഇനി വന്നാൽ എങ്ങനെ തരണം ചെയ്യണം എന്നും അറിയാൽ സെമിനാറിൽ പങ്കെടുത്ത എല്ലാവർക്കും സാധിച്ചു.

സികെസി വൈസ് പ്രസിഡന്റ് ജോമോൻ വല്ലായിൽ എല്ലാവർക്കും സ്വാഗതവും ജോയിന്റ് ട്രഷറർ ശ്രീ സുനിൽ മാത്യു നന്ദിയും അറിയിച്ചു. സി കെ സി അടുത്തതായി നവംബർ പതിനേഴിന് നടത്തുന്ന മെഡിക്കൽ ബോധവൽക്കരണ സെമിനാറിലേക്ക് കവന്റിയോട് ചേർന്ന് കിടക്കുന്ന എല്ലാ പ്രദേശത്തുനിന്നും എല്ലാവരെയും സ്വാഗതം ചെയ്യുന്നതായി പ്രസിഡന്റ് ജോർജുകുട്ടി വടക്കേകുറ്റ് അറിയിച്ചിട്ടുണ്ട്.