Latest News

കവന്റി കേരളാ കമ്മ്യൂണിറ്റിയുടെ ക്രിസ്തുമസ് ന്യൂ ഇയർ ആഘോഷവും, കരോൾ ഗാന മത്സരവും, കലാവിരുന്നും ജനുവരി അഞ്ചിന്

2019-01-04 01:57:48am |

കവന്റി കേരളാ കമ്മ്യൂണിറ്റിയുടെ ക്രിസ്തുമസ് ന്യൂ ഇയർ ആഘോഷവും, കരോൾ ഗാന മത്സരവും, കലാവിരുന്നും ജനുവരി അഞ്ചിന് കവന്റിയിൽ വില്ലൻഹോളിൽ വച്ച് നടത്തപ്പെടുന്നു. കവന്റി കേരളാ കമ്മ്യൂണിറ്റിയെ സംബംദ്ധിച്ചിടത്തോളം ഈ വർഷം വളരെ നവീനവും പുതുമയാർന്നതുമായ വളരെ അധികം നല്ല പ്രവർത്തനങ്ങളിലൂടെ എല്ലാവരുടെയും പ്രശംസ ഏറ്റു വാങ്ങുകയും അതുപോലെ പല പ്രവർത്തനങ്ങളും മറ്റ് അസോസിയേഷനുകൾക്ക് മാത്രുകയും, പ്രചോതനവും നൽകുന്നതുമായിരുന്നു.

ജനുവരി അഞ്ചിന് നടത്തപ്പെടുന്ന ക്രിസ്തുമസ് ന്യൂ ഇയർ ആഘോഷങ്ങളോടൊപ്പം വർഷങ്ങളായി സികെസി നടത്തിവരുന്ന ചാരിറ്റി പ്രവർത്തനങ്ങൾ ഒരു പുതിയ ഘട്ടത്തിലേക്ക് കടക്കുകയാണ്. ക്രിസ്തുമസ്സ് ന്യൂ ഇയർ പരുപാടികൾക്ക് സി കെ സി കമ്മറ്റി അംഗങ്ങളോടൊപ്പം ഹരീഷ് പാലായും, ജിനോ ജോണും, സുനിൽ ഡാനിയേലും നേത്രുത്വം വഹിക്കുന്നു. റെനിൻ കടുത്തൂസ് നേത്യൃത്വം നൽകുന്ന നേറ്റീവിറ്റി ഷോയും, മണിക്കൂറുകൾ നീണ്ട് നിൽക്കുന്ന കുട്ടികളുടെയും വലിയവരുടെയും വൈവിദ്ധ്യമാർന്ന കലാവിരുന്നും തയ്യാറായികൊണ്ടിരിക്കുന്നു.

ക്രിസ്തുമസ്സ് ന്യൂ ഇയർ പരുപാടിയുടെ എല്ലാ ഒരുക്കങ്ങളും പൂർത്തിആയി എന്ന് സി കെ സി സെക്രട്ടറി ശ്രീ ഷിൻസൺ മാത്യൂ അറിയിച്ചു. വലിയവരുടെയും, കുട്ടികളുടെയും കരോൾ ഗാന മത്സരങ്ങളോടെ പരുപാടികൾ തുടങ്ങുന്നതാണെന്നും, അതുപോലെ ഈ പരുപാടിയിലേക്ക് എല്ലാ സി കെ സി അംഗങ്ങളെയും സ്വാഗതം ചെയ്യുന്നതായും സി കെ സി പ്രസിഡന്റ് ശ്രീ ജോർജുകുട്ടി വടക്കേകുറ്റ് അറിയിച്ചിട്ടുണ്ട്.