Latest News

ഞാന്‍ ലൈംഗിക പീഡനത്തിനത്തിന് ഇര: വെളിപ്പെടുത്തലുമായി കാതല്‍ സന്ധ്യ

2017-02-28 01:59:36pm |

പ്രശസ്ത നടിക്കു നേരെ ആക്രമണം ഉണ്ടായതിനെ തുടര്‍ന്നു പല നടിമാരും തങ്ങള്‍ക്കുണ്ടായ മോശം അനുഭവങ്ങള്‍ വെളിപ്പെടുത്തി കൊണ്ടു രംഗത്ത് എത്തിരുന്നു. ഇപ്പോള്‍ നടി കാതല്‍ സന്ധ്യയും തനിക്കുണ്ടായ അത്തരത്തില്‍ ഒരു അനുഭവം വെളിപ്പെടുത്തിരിക്കുകയാണ്. ചെന്നൈയില്‍ ഒരു പരിപാടിയില്‍ പങ്കെടുത്തു സംസാരിക്കവേയാണു 
 

 

നടി ഇക്കാര്യം വെളിപ്പെടുത്തിയത്. കേരളത്തില്‍ ആക്രമിക്കപ്പെട്ട നടി എന്റെ അടുത്ത സുഹൃത്താണ്. അവള്‍ ധൈര്യശാലിയാണ്. അവളെക്കുറിച്ച് ആലോചിക്കുമ്പോള്‍ തനിക്ക് അഭിമാനം ഉണ്ട് എന്നു പറഞ്ഞു കൊണ്ടാണു കാതല്‍ സന്ധ്യ സംസാരിച്ചു തുടങ്ങിയത്.

ഇത്തരത്തില്‍ ലൈംഗിക പീഡനത്തിനു ഞാനും ഇരയായിട്ടുണ്ട്. എന്നാല്‍ ആള്‍ക്കുട്ടത്തിന്റെ തിരക്കിലായതിനാല്‍ എനിക്ക് ഒന്നും ചെയ്യാനോ സംഭവത്തേക്കുറിച്ചു പരാതിപ്പെടാനോ കഴിഞ്ഞിട്ടില്ല എന്നും ഇവര്‍ പറയുന്നു. കാതല്‍ എന്ന തമിഴ് ചിത്രത്തിലായിരുന്നു സന്ധ്യ ആദ്യം അഭിനയിച്ചത്. പിന്നിട് നിരവധി ഹിറ്റ് ചിത്രങ്ങളുടെ ഭാഗമായി. ആലിസ് ഇന്‍ വണ്ടര്‍ലാന്റിലൂടെയാണു മലയാളത്തില്‍ അരങ്ങേറ്റം കുറിച്ചിരിക്കുന്നത്. തുടര്‍ന്നു പ്രജാപതി, സൈക്കിള്‍, ട്രാഫിക്ക് തുടങ്ങിയ ചിത്രങ്ങളില്‍ അഭിനയിച്ചു. -