Latest News

ശ്രീധന്യയ്ക്ക് അഭിനന്ദനം: കൂടെ വീട്ടിലേക്ക് കട്ടിലും മെത്തയും എത്തിച്ച് സന്തോഷ് പണ്ഡിറ്റ്

2019-04-11 02:45:47am |

കേരളത്തിന്റെ അഭിമനമുയര്‍ത്തിയ വയനാടുകാരി ശ്രീധന്യയ്ക്ക് അഭിനന്ദനവുമായി സന്തോഷ് പണ്ഡിറ്റ്. സിവില്‍ സര്‍വീസ് പരീക്ഷയില്‍ മികച്ച വിജയം സ്വന്തമാക്കിയതിനു പിന്നാലെയാണ് ദാരിദ്ര്യത്തെ തള്ളിമാറ്റി ലക്ഷ്യം മറികടന്ന ശ്രീധന്യ സുരേഷിന്റെ വയനാട്ടിലെ പൊഴുതനിയിലുള്ള വീട്ടിലെത്തി സന്തോഷ് പണ്ഡിറ്റ് അഭിനന്ദനും കൂടെ കട്ടിലും മെത്തയും എത്തിച്ചത്.

സന്തോഷ് പണ്ഡിറ്റിന്റെ ഫെയ്‌സ്ബുക്ക് പോസ്റ്റ്:

ഞാ൯ ഇന്ന് വയനാട് ജില്ലയിലെ പൊഴുതനയില് പോയ് ഇത്തവണ IAS നേടിയ Sree Dhanya എന്ന മിടുക്കിയെ നേരില് സന്ദ൪ശിച്ചു അഭിനന്ദിച്ചു.
(വയനാട്ടില് നിന്നും ആദ്യ വിജയ്)..എനിക്ക് അവിടെ ചില കുഞ്ഞു സഹായങ്ങള് ചെയ്യുവാ൯ സാധിച്ചതില് അഭിമാനമുണ്ട്.

അവരും, മാതാ പിതാക്കളും ,മറ്റു വീട്ടുകാരും വളരെ സ്നേഹത്തോടെ എന്നെ സ്വീകരിച്ചു. വളരെ കഷ്ടപ്പാട് സഹിച്ച് ചെറിയൊരു വീട്ടില് താമസിച്ച് അപാരമായ ആത്മ വിശ്വാസത്തോടെ പ്രയത്നിച്ചാണ് അവരീ വിജയം കൈവരിച്ചത്. അവരുടെ വിജയം നമ്മുക്കെല്ലാം പ്രചോദനമാണ്.

കഴിഞ്ഞ പ്രളയ സമയത്ത് ഒരു മാസത്തോളം വയനാടിലെ വിവിധ ഭാഗങ്ങളില് സഞ്ചരിച്ചിട്ടും ഇവരുടെ വീടിനടുത്ത് വരെ ചെന്നിട്ടും അന്ന് ആ കുടുംബത്തെ കാണുവാ൯ സാധിക്കാത്തതില് എനിക്ക് ഇപ്പോള് വിഷമമുണ്ട്.

ഇനിയും നിരവധി പ്രതിഭകള് ഉണ്ടാകട്ടെ എന്ന് ആശംസിക്കുന്നു..