Latest News

ഏഴുവയസുകാരിയെ ബലാത്സംഗം ചെയ്​ത്​ കൊലപ്പെടുത്തിയ പ്രതിയെ ജനക്കൂട്ടത്തിന്​ മുന്നിൽവെച്ച്​ തൂക്കിക്കൊന്നു! ഇറാനിലെ വിധി സ്വാഗതം ചെയ്തു സമൂഹ മാധ്യമങ്ങള്‍

2017-09-22 02:13:58am |

തെഹ്​റാൻ: ഏഴുവയസുകാരിയെ ബലാത്സംഗം ചെയ്​ത്​ കൊലപ്പെടുത്തിയ പ്രതിയെ ജനക്കൂട്ടത്തിന്​ മുന്നിൽവെച്ച്​ തൂക്കിക്കൊന്നു.  42 വയസുകാരനായ ഇസ്​മെയിൽ ജാഫർസാഹെദ്​ എന്നയാളെയാണ്​ ബുധനാഴ്​ച പൊതുസ്ഥലത്ത്​ വെച്ച്​ വധശിക്ഷക്ക്​ വിധേയനാക്കിയത്​. 

അർദേബിൽ പ്രവിശ്യയിലെ പർഷാബാദിലെ പൊതുയിടത്തിൽ വെച്ചാണ്​ വധശിക്ഷ നടപ്പാക്കിയത്​. പൊതുസ്ഥലത്ത്​ വെച്ച്​ പ്രതിക്ക്​ ശിക്ഷ നടപ്പാക്കിയത്​ ജനങ്ങളുടെ മനസിൽ  സുരക്ഷിതത്വം  ഉറപ്പുവരുത്തുന്നതിനും മനസിലുള്ള ദുഷ്​ചിന്തകളെയും പ്രവർത്തികളെയും ഇല്ലാതാക്കുന്നതിനും വേണ്ടിയാണെന്ന്​ അർദേബിലെ പ്രോസിക്യൂട്ടർ നാസർ അത്​ബാട്ടി മാധ്യമങ്ങളോട്​ പറഞ്ഞു. 

ജൂൺ 19 ന്​ തെരുവുകച്ചവടക്കാരനായ പിതാവി​​​െൻറ അരികിൽ നിന്ന്​ മടങ്ങുകയായിരുന്ന ​ഏഴുവയസുകാരി അഥേന അസ്​ലാനിയെ കാണാതാവുകയായിരുന്നു. ​അഥേനിക്കായുള്ള തെരച്ചിലിനൊടുവിൽ പ്രതിയുടെ വീടിനു സമീപത്തെ ഗാരേജിൽ നിന്നും മൃതദേഹം കണ്ടെടുത്തു. തുടർന്ന്​ പൊലീസ്​ പ്രതിയെ അറസ്​റ്റു ചെയ്​തു. കേസിലെ വിചാരണക്കൊടുവിൽ പ്രതിക്ക്​ വധശിക്ഷ വിധിക്കുകയും സെപ്​തംബർ 11 ന്​ സുപ്രീം കോടതി ശിക്ഷ ശരിവെക്കുകയുമായിരുന്നു. 

വധശിക്ഷ നടപ്പാക്കിയതിനെതിരെ ആംനസ്​റ്റി ഇൻറർനാഷണൽ പ്രതിഷേധവുമായി രംഗത്തെത്തിയിരുന്നു.