Latest News

അ​ഴി​മ​തി​ക്കേ​സിൽ ശ​രീ​ഫി​നും മ​ക​ൾ​ക്കും മോ​ച​നം; ജാ​മ്യ​ത്തി​ൽ വി​ട്ട​യ​ക്കാൻ ഇ​സ്​​ലാ​മാ​ബാ​ദ്​ ഹൈ​കോ​ട​തി, പ്രത്യേക വിമാനത്തിൽ ലാഹോറിലെത്തിക്കും

2018-09-20 01:51:57am |

ഇ​സ്​​ലാ​മാ​ബാ​ദ്​: രാഷ്​ട്രീയ ഭാവി തന്നെ അസ്​ഥിരമാക്കിയ അഴിമതിക്കേസിൽ ജയിൽ ശിക്ഷയനുഭവിക്കുകയായിരുന്ന  പാക്​  മുൻ പ്രധാനമന്ത്രി നവാസ്​ ശരീഫിനും കുടുംബത്തിനും മോചനം. ശ​രീ​ഫി​നെ​യും മ​ക​ൾ മ​ർ​യ​ത്തെ​യും മ​രു​മ​ക​ൻ മു​ഹ​മ്മ​ദ്​ സ​ഫ്​​ദ​റി​നെ​യും ജാ​മ്യ​ത്തി​ൽ വി​ട്ട​യ​ക്കാൻ ഇ​സ്​​ലാ​മാ​ബാ​ദ്​ ഹൈ​കോ​ട​തി ഉ​ത്ത​ര​വി​ട്ടതോടെയാണ്​ മോചനത്തിന്​ വഴിതെളിഞ്ഞത്​. 2018 ജൂ​ൈ​ല 13നാ​ണ്​ ഇ​വ​രെ അ​റ​സ്​​റ്റ്​ ചെ​യ്​​ത​ത്.  

വിധിപുറത്തുവന്നതോടെ ബുധനാഴ്​ച വൈകീട്ട്​ ശരീഫിനെയും മകളെയും മരുമകനെയും ഇസ്​ലാമാബാദിലെ അദ്​യാല ജയിലിൽ നിന്ന്​ വിട്ടയച്ചു. കനത്ത സുരക്ഷ അകമ്പടിയോടെ നൂർ ഖാൻ വിമാനത്താവളത്തിലേക്ക്​ കൊണ്ടുപോയി. പ്രത്യേക വിമാനത്തിൽ ലാഹോറിലെത്തിക്കും. പത്​നി കുൽസൂം അന്തരിച്ച്​ ഒരാഴ്​ച കഴിയുന്നതിനിടെയാണ്​ ശരീഫിന്​ ആശ്വാസമായി കോടതി വിധി.  മരണാനന്ത ചടങ്ങുകൾക്ക്​ ശരീഫിനും കുടുംബത്തിനും പരോൾ അനുവദിച്ചിരുന്നു. പരോൾ കഴിഞ്ഞ്​ തിങ്കളാഴ്​ച വീണ്ടും ജയിലിലേക്ക്​ മടങ്ങി. കേ​സി​ൽ വി​ചാ​ര​ണ കോ​ട​തി വി​ധി ഹൈ​കോ​ട​തി​യു​ടെ ര​ണ്ടം​ഗ​ബെ​ഞ്ച്​ സ്​​റ്റേ ചെ​യ്​​തു. വി​ചാ​ര​ണ കോ​ട​തി വി​ധി​ക്കെ​തി​രെ ശ​രീ​ഫും കു​ടും​ബ​വും ന​ൽ​കി​യ അ​പ്പീ​ൽ പ​രി​ഗ​ണി​ച്ചാ​ണ്​ ഹൈ​കോ​ട​തി ഉ​ത്ത​ര​വ്. 

അ​ഞ്ചു​ല​ക്ഷം രൂ​പ​യു​ടെ ബോ​ണ്ടി​ലാ​ണ്​ ജാ​മ്യം ല​ഭി​ച്ച​ത്. വി​ധി പു​റ​ത്തു​വ​ന്ന​തോ​ടെ ശ​രീ​ഫി​​െൻറ അ​നു​യാ​യി​ക​ൾ ആ​ഹ്ലാ​ദ​പ്ര​ക​ട​നം ന​ട​ത്തി. ല​ണ്ട​നി​ൽ ആ​ഡം​ബ​ര ഫ്ലാ​റ്റ്​ വാ​ങ്ങി​യ​തു​മാ​യി ബ​ന്ധ​പ്പെ​ട്ട്​ പാനമ രേഖകൾ പുറത്തുവിട്ടഅഴിമതി​ കേ​സി​ലാ​ണ്​ മൂവരെയും ശി​ക്ഷി​ച്ച​ത്. ശ​രീ​ഫി​ന്​ 10ഉം ​മ​ക​ൾ​ക്ക്​ ഏഴും മ​രു​മ​കന്​​ ഒ​രു​വ​ർ​ഷം ത​ട​വു​മാ​ണ്​ വി​ധി​ച്ച​ത്. കേ​സ്​ നി​ല​നി​ൽ​ക്കു​മെ​ന്ന അ​ഴി​മ​തി​വി​രു​ദ്ധ കോ​ട​തി​യു​ടെ (എ​ൻ.​എ.​ബി) വാ​ദം ​ഹൈ​കോ​ട​തി ത​ള്ളി. കാ​ര്യ​സാ​ധ്യ​ത്തി​നാ​യി ന​ട​പ​ടി​ക്ര​മ​ങ്ങ​ളി​ൽ കാ​ല​താ​മ​സം വ​രു​ത്തി​യെ​ന്നാ​രോ​പി​ച്ച്​ എ​ൻ.​എ.​ബി അ​ഭി​ഭാ​ഷ​ക​ന്​ പി​ഴ ചു​മ​ത്തി​യി​ട്ടു​മു​ണ്ട്. ​വി​ധി​പ്ര​ഖ്യാ​പ​ന​വേ​ള​യി​ൽ ശ​രീ​ഫി​​െൻറ സ​ഹോ​ദ​ര​ൻ ശ​ഹ​ബാ​സ്, മു​തി​ർ​ന്ന നേ​താ​ക്ക​ളാ​യ പ​ർ​വേ​സ്​ റാ​ഷി​ദ്, ഖു​ർ​റം ദ​സ്​​ഗി​ർ എ​ന്നി​വ​ർ കോ​ട​തി​യി​ലു​ണ്ടാ​യി​രു​ന്നു. 

കേ​സി​​െൻറ നാ​ൾ​വ​ഴി​ക​ൾ

 2016 ഏ​പ്രി​ലി​ലാ​ണ്​ കേ​സി​നാ​സ്​​പ​ദ പാ​ന​മ അ​ഴി​മ​തി​ക്കേ​സ്​ പു​റ​ത്തു​വ​ന്ന​ത്.  ഏ​പ്രി​ൽ അ​ഞ്ചി​ന്​ കേ​സ്​ അ​ന്വേ​ഷ​ണ​ത്തി​ന്​ പ്ര​ത്യേ​ക ജു​ഡീ​ഷ്യ​ൽ ക​മ്മി​റ്റി​യെ ശ​രീ​ഫ്​ ചു​മ​ത​ല​പ്പെ​ടു​ത്തി.
എ​ന്നാ​ൽ, പി.​എം.​എ​ൽ സ​ർ​ക്കാ​ർ ചു​മ​ത​ല​പ്പെ​ടു​ത്തി​യ ക​മ്മി​റ്റി അം​ഗീ​ക​രി​ക്കാ​ൻ പ്ര​തി​പ​ക്ഷം ത​യാ​റാ​യി​ല്ല. തു​ട​ർ​ന്ന്, അ​തേ​വ​ർ​ഷം ന​വം​ബ​റി​ൽ കേ​സ്​ ഏ​റ്റെ​ടു​ക്കാ​ൻ പാ​ക്​ സു​പ്രീം​കോ​ട​തി തീ​രു​മാ​നി​ച്ചു. ല​ണ്ട​നി​ലെ സ്വ​ത്തു​വ​ക​ക​ൾ സം​ബ​ന്ധി​ച്ച രേ​ഖ​ക​ൾ സ​മ​ർ​പ്പി​ക്കാ​ൻ ആ​വ​ശ്യ​പ്പെ​ടു​ക​യും ചെ​യ്​​തു. 
2017 ജ​നു​വ​രി​യി​ൽ ശ​രീ​ഫും കു​ടും​ബ​വും രേ​ഖ​ക​ൾ സ​മ​ർ​പ്പി​ച്ചു. ഏ​പ്രി​ലി​ൽ കേ​സി​​െൻറ തു​ട​ർ​ന​ട​പ​ടി​ക​ൾ​ക്കാ​യി പ്ര​ത്യേ​ക അ​ന്വേ​ഷ​ണ​സം​ഘ​ത്തെ സു​പ്രീം​കോ​ട​തി നി​യോ​ഗി​ച്ചു. നി​ര​ന്ത​ര​മാ​യ ചോ​ദ്യം ചെ​യ്യ​ലി​ലൂ​ടെ ശ​രീ​ഫും കു​ടും​ബ​വും കു​റ്റ​ക്കാ​രാ​ണെ​ന്നു കാ​ണി​ച്ച്​ 2017 ജൂ​ലൈ​യി​ൽ സം​ഘം സു​പ്രീം​കോ​ട​തി​ക്ക്​ റി​പ്പോ​ർ​ട്ട്​ ന​ൽ​കി.  ജൂ​ലൈ 28ന്​ ​അ​ഞ്ചം​ഗ സു​പ്രീം​കോ​ട​തി ബെ​ഞ്ച്​ ശ​രീ​ഫി​നെ അ​ധി​കാ​ര​ത്തി​ൽ​നി​ന്ന്​ പു​റ​ത്താ​ക്കാ​ൻ ഉ​ത്ത​ര​വി​ട്ടു. ശ​രീ​ഫി​ന്​ തെ​ര​െ​ഞ്ഞ​ടു​പ്പി​ൽ മ​ത്സ​രി​ക്കു​ന്ന​തി​നും പാ​ർ​ട്ടി സ്​​ഥാ​ന​ങ്ങ​ൾ വ​ഹി​ക്കു​ന്ന​തി​നും ആ​ജീ​വ​നാ​ന്തം വി​ല​ക്കേ​ർ​പ്പെ​ടു​ത്തി.