Latest News

സാമ്പത്തികമായ അസമത്വം ഇല്ലാതാക്കും! അമേരിക്കയിൽ തെരഞ്ഞെടുപ്പ്​ പ്രചാരണത്തിന്​ തുടക്കമിട്ട്​ എലിസബത്ത്​ വാരൻ

2019-02-10 03:14:41am |

വാഷിങ്​ടൺ: 2020ലെ യു.എസ്​ പ്രസിഡൻറ്​ തെരഞ്ഞെടുപ്പിനുള്ള പ്രചാരണത്തിന്​ തുടക്കമിട്ട്​ സെനറ്റർ എലിസബത്ത്​ വാരൻ. ജനപ്രിയ പ്രഖ്യാപനങ്ങളുമായിട്ടായിരുന്നു വാര​​െൻറ തെരഞ്ഞെടുപ്പ്​ പ്രചാരണം​. സാമ്പത്തികമായ അസമത്വം ഇല്ലാതാക്കുമെന്നായിരുന്നു അവരുടെ പ്രധാന വാഗ്​ദാനം. 

1980കളിൽ പുറത്തിറങ്ങിയ 9 ടു 5 എന്ന ചിത്രത്തിലെ ഗാനവുമായാണ്​ അവർ വേദിയിലെത്തിയത്​. നമ്മുടെ ജീവിതങ്ങൾക്ക്​ വേണ്ടിയുള്ള പോരാട്ടമാണ്​ ഇതെന്ന്​ വാരൻ പറഞ്ഞു. എന്നാൽ, ട്രംപിനെ കടന്നാക്രമിക്കാൻ അവർ മുതിർന്നില്ല. പക്ഷേ യു.എസിലെ വൻകിട വ്യവസായികൾക്കെതിരെ വാരൻ രംഗത്തെത്തി.

ഇപ്പോൾ വൈറ്റ്​ ഹൗസിലിരിക്കുന്നയാൾക്ക്​ എന്താണ്​ തകർന്നതെന്ന്​ ബോധ്യമില്ലെന്നും ഘടനാപരമായ മാറ്റം അമേരിക്കയിൽ കൊണ്ടു വരാനാണ്​ ഉദ്ദേശിക്കുന്നതെന്നും വാരൻ വ്യക്​തമാക്കി.