Latest News

ഗ്രേറ്റ് ബ്രിട്ടൻ സിറോ മലബാർ രൂപതാ ബൈബിള്‍ കലോത്സവം: ഒരുക്കങ്ങള്‍ അവസാനഘട്ടത്തിൽ

2018-10-23 02:14:57am | ഫാദർ ബിജു കുന്നക്കാട്ട്

ലണ്ടൻ: മാഞ്ചസ്റ്റര്‍ ഒഴികെയുള്ള റീജിയണുകള്‍ മത്സരാർഥികളുടെ പേരുവിവരങ്ങള്‍ റജിസ്റ്റര്‍ ചെയ്യേണ്ട അവസാന തിയതി ഇന്നെന്ന് സംഘാടകർ അറിയിച്ചു. ഈ വര്‍ഷത്തെ ഗ്രേറ്റ് ബ്രിട്ടൻ രൂപതാ ബൈബിള്‍ കലോത്സവത്തിന് അരങ്ങുണരാന്‍ ഇനി ദിവസങ്ങള്‍ മാത്രം. കലോത്സവം വിജയകരമായി നടപ്പാക്കാനുള്ള ഒരുക്കങ്ങള്‍ അതിവേഗം നടന്നുവരികയാണ്. നവംബർ 10ന് ബ്രിസ്റ്റോളിൽ വെച്ച് നടക്കുന്ന ഗ്രേറ്റ് ബ്രിട്ടൻ രൂപതാ ബൈബിള്‍ കലോത്സവത്തില്‍ പങ്കെടുക്കുന്നതിനായി റീജിയണല്‍ മത്സരങ്ങളില്‍ വിജയിച്ചവരുടെ പേരുവിവരങ്ങള്‍ റജിസ്റ്റര്‍ ചെയ്യണം. മാഞ്ചസ്റ്റര്‍ ഒഴികെയുള്ള റീജിയണുകള്‍ മത്സരാർഥികളുടെ പേരുവിവരങ്ങള്‍ റജിസ്റ്റര്‍ ചെയ്യേണ്ട അവസാന തിയതി ഇന്നാണ്. വിജയികളുടെ വിവരങ്ങള്‍ അതാത് സ്ഥലങ്ങളിലെ കോഡിനേറ്റർമാർ എത്രയും പെട്ടെന്ന് മെയില്‍ ചെയ്യേണ്ടതാണെന്ന് സംഘാടകർ അറിയിച്ചു.

വിവിധ റീജിയണുകളില്‍ മത്സരിച്ച് വിജയിച്ചവരാണ് രൂപതാ ബൈബിള്‍ കലോത്സവ വേദിയില്‍ അന്തിമ പോരാട്ടത്തിന് ഇറങ്ങുന്നത്. നവംബര്‍ 10ന് ബ്രിസ്റ്റോളിലെ ഗ്രീന്‍വേ സെന്ററിലാണ് കലോത്സവം അരങ്ങേറുക. വീറുംവാശിയും പ്രകടനമാക്കിയ റീജിയണല്‍ മത്സരങ്ങളിലെ വിജയികളുടെ കലാശക്കൊട്ടാണ് രൂപതാ ബൈബിൾ കലോത്സവം‌. മാഞ്ചസ്റ്റര്‍ ഒഴികെയുള്ള റീജിയണുകളില്‍ വാശിയേറിയ മത്സരങ്ങൾ നടന്നു കഴിഞ്ഞു. മാഞ്ചസ്റ്റര്‍ റീജിയണല്‍ മത്സരങ്ങള്‍ 27നാണ് കലാശക്കൊട്ട് തീര്‍ക്കുക. 

ഇതോടെ ബ്രിസ്റ്റോളിൽ നടക്കുന്ന ബൈബിള്‍ കലോത്സവത്തിനുള്ള കാഹളം മുഴങ്ങും. അന്തിമപോരാട്ടത്തിനായുള്ള തയാറെടുപ്പിലാണ് റീജിയണല്‍ മത്സര വിജയികള്‍. മത്സരാർഥികളുടെ വിവരങ്ങള്‍ റീജിയണല്‍ കോര്‍ഡിനേറ്റര്‍മാര്‍ അയയ്‌ക്കേണ്ട അവസാന തിയതി ഇന്നാണ്. 

മത്സരത്തിലേക്കുള്ള എന്‍ട്രികള്‍ registration@smegbbiblekalotsavam.com എന്ന ഇമെയില്‍ വിലാസത്തിലോ, ബൈബിള്‍ കലോത്സവത്തിന്റെ വെബ്‌സൈറ്റിലേക്കോ അയയ്ക്കണം.

കലോത്സവത്തോട് അനുബന്ധിച്ച് പുറത്തിറങ്ങുന്ന സുവനീര്‍ അവസാനഘട്ട പണിപ്പുരയിലാണ്. ഈ ആഴ്ചയോടെ ബൈബിള്‍ കലോത്സവത്തിന്റെ ചരിത്ര വഴികളിലൂടെ സഞ്ചരിക്കുന്ന സുവനീര്‍ പുറത്തിറക്കാനുള്ള ശ്രമങ്ങളാണ് നടന്നുവരുന്നത്. 

കൂടുതല്‍ വിവരങ്ങള്‍ക്ക്: ഫാദർ പോൾ വെട്ടിക്കാട്ട് :07450243223, ജോജി മാത്യു: 07588445030, Kalotsavam Date: 10th November 2018Venue: Greenway Cetnre, Southmead, Bristol BS10 5PY, www.smegbbiblekalotsavam.com, Email : info@smegbbiblekalotsavam.com