Latest News

വെസൂവിയസ് തുപ്പുന്ന തീയില്‍ ആയിരങ്ങള്‍ വെണ്ണീറാവും; മൂന്നാം ലോകയുദ്ധത്തിന്റെ തുടക്കം ഫ്രാന്‍സില്‍; നോസ്ട്രഡാമസ് 2018നെക്കുറിച്ച് പ്രവചിച്ചിരിക്കുന്നത് കേട്ട് ഞെട്ടിത്തരിച്ച് ലോകജനത

2018-01-08 02:15:03am |

ലോകം ഇന്നേവരെ കണ്ടതില്‍ വച്ചേറ്റവും മഹാനായ പ്രവാചകന്‍ നോസ്ട്രഡാമസ് 2018നെക്കുറിച്ച് പ്രവചിച്ചിരിക്കുന്നതു കേട്ട് ലോകം ഞെട്ടിത്തരിക്കുകയാണ്. ഈ വര്‍ഷം മൂന്നാംലോകയുദ്ധമുണ്ടാകുമെന്നും ഇറ്റലിയിലെ കൂറ്റന്‍ അഗ്‌നിപര്‍വത സ്‌ഫോടനമുണ്ടാകുമെന്നും ആളുകളുടെ ശരാശരി ആയുസ് 200 വയസായിത്തീരുമെന്നുമാണ് പുരാതന കാലത്ത് ഫ്രഞ്ച് പ്രവാചകനായ നോസ്ട്രാഡാമസ് വര്‍ഷങ്ങള്‍ക്ക് മുമ്പേ പ്രവചിച്ചിരിക്കുന്നത്.

2018ല്‍ ലോകയുദ്ധമുണ്ടാകുമെന്നാണ് ഇദ്ദേഹത്തിന്റെ പുസ്തകത്തിലെ ഏറ്റവും ആശങ്കയുണര്‍ത്തുന്ന ഒരു പ്രവചനം. ഈ യുദ്ധം ഫ്രാന്‍സില്‍ നിന്നും ആരംഭിച്ച് യൂറോപ്പിലാകമാനം വ്യാപിക്കുമെന്നും അദ്ദേഹം പ്രവചിച്ചിട്ടുണ്ട്. ഈ യുദ്ധം വളരെക്കാലം നീണ്ട് നില്‍ക്കുമെന്നും നിരവധി ജീവനുകള്‍ എടുക്കുമെന്നും അദ്ദേഹം എഴുതി വച്ചിരിക്കുന്നു. എന്നാല്‍ അവസാനം സമാധാന കരാര്‍ ഉണ്ടാവുമെങ്കിലും അതിന്റെ ഗുണം വളരെ കുറച്ച് പേര്‍ക്ക് മാത്രമേയുണ്ടാവുകയുള്ളുവെന്നും നോസ്ട്രാഡാമസ് പ്രവചിക്കുന്നു.

പ്രവചനങ്ങളില്‍ ശ്രദ്ധേയമായ മറ്റൊന്ന് ഇറ്റലിയിലെ വെസൂവിയസ് അഗ്നിപര്‍വത സ്‌ഫോടനമാണ്. നിരവധി തവണ വെസൂവിയസ് തീ തുപ്പുമെന്നും ഓരോ അഞ്ചു മിനിറ്റിലും അത് ഭൂമിയെ വിറപ്പിക്കുമെന്നും അദ്ദേഹം പ്രവചിച്ചിരിക്കുന്നു. ഇതിന്റെ ഫലമായി 6000 പേരെങ്കിലും മരിച്ചു വീഴുമെന്നും പ്രവചനത്തില്‍ പറയുന്നു. ഈ വര്‍ഷം യുഎസിലുടനീളം കടുത്ത പ്രകൃതിദുരന്തങ്ങളുണ്ടാകുമെന്നും നോസ്ട്രാഡാമസ് പ്രവചിച്ചിട്ടുണ്ട്. ഇക്കൂട്ടത്തില്‍ യുഎസിന്റെ പടിഞ്ഞാറ് ഭാഗത്തുണ്ടാകുന്ന കടുത്ത ഭൂകമ്പവും ഉള്‍പ്പെടുന്നു. ഇതിന്റെ ആഘാതം ലോകത്തിന്റെ വിവിധ പ്രദേശങ്ങളില്‍ അനുഭവപ്പെടുകയും ചെയ്യും. യുഎസ് ജിയോളജിക്കല്‍ സര്‍വേ കാസ്‌കാഡിയ സബ്ഡക്ഷന്‍ സോണിലെ സെസ്മിക് പ്രവര്‍ത്തനങ്ങള്‍ സൂക്ഷ്മമായി നീരീക്ഷിച്ചു കൊണ്ടിരിക്കുന്നുണ്ട്. 2016ല്‍ രണ്ട് മീഡിയം ലഘുഭൂകമ്പങ്ങള്‍ ഇവിടെയുണ്ടാവുകയും ചെയ്തിരുന്നു.

2018ല്‍ ഭീമന്‍ ഉല്‍ക്ക ഭൂമിയില്‍ ഇടിച്ചിറങ്ങുമെന്നും നോസ്ട്രാഡമസ് പ്രവചിച്ചിരുന്നു. ഈ ഉല്‍ക്ക ആകാശത്ത് പ്രത്യക്ഷപ്പെടുന്നതോടെ ഇവിടെ കടുത്ത ആക്രമണങ്ങളുണ്ടാകുമെന്നും പ്രവചനമുണ്ട്. ഇതിന് പുറമെ ന്യൂക്ലിയര്‍ തീവ്രവാദവും പ്രകൃതി ദുരന്തങ്ങളും ഈ വര്‍ഷം ഭൂമിയെ വേട്ടയാടിയേക്കും. മൂന്നാം ലോക മഹായുദ്ധത്തിന്റെ ഫലമായി ഈ വര്‍ഷംകടുത്ത സാമ്പത്തിക തകര്‍ച്ച ലോകമാകമാനമുണ്ടാകും. സമ്പന്ന രാജ്യങ്ങള്‍ക്കായിരിക്കും കൂടുതല്‍ തകര്‍ച്ച ഈ അവസരത്തിലുണ്ടാകാന്‍ പോകുന്നതെന്നും നോസ്ട്രാഡാമസ് പ്രവചിക്കുന്നു. വൈദ്യശാസ്ത്രരംഗത്തുണ്ടാകുന്ന പുരോഗതിയെ തുടര്‍ന്ന് 2018ല്‍ മനുഷ്യരുടെ ആയുസ് 200 വയസാകുമെന്നും ഇദ്ദേഹത്തിന്റെ പ്രവചനങ്ങളില്‍ പറയുന്നു.