Latest News

മുൻ ബ്രിട്ട​ീഷ്​ ചാരനും മകൾക്കും നേരെ ‘വിഷപ്രയോഗം’! സെർജി സ്​ക്രിപാലിനെയും മകൾ യൂലിയയെയും ഗുരുതരാവസ്​ഥയിൽ ആശുപത്രിയിൽ പ്രവേശിപ്പിച്ചു

2018-03-07 02:45:11am |

ലണ്ടൻ: ബ്രിട്ടനു​വേണ്ടി റഷ്യയിൽ ചാരപ്രവർത്തനം നടത്തിയയാൾക്കും മകൾക്കും നേരെ ‘വിഷപ്രയോഗം’. ഇതേതുടർന്ന്​ അബോധാവസ്​ഥയിലായ മുൻ ചാരൻ സെർജി സ്​ക്രിപാലിനെയും മകൾ യൂലിയയെയും ഗുരുതരാവസ്​ഥയിൽ ആശുപത്രിയിൽ പ്രവേശിപ്പിച്ചു.

എന്നാൽ, ഇവക്കെതിരെ പ്രയോഗിച്ച ‘വിഷം’ ഏതെന്ന്​ ഇതുവരെ തിരിച്ചറിഞ്ഞിട്ടില്ല. ബ്രിട്ടനിലെ സാലിസ്​ബറിയിലെ റസ്​റ്റാറൻറിനു​ സമീപത്താണ്​ സംഭവം. ആസൂത്രിത ആക്രമണമാണ്​ ഉണ്ടായതെന്നാണ്​ കരുതുന്നത്​. മുൻ റഷ്യൻ ​ൈസനിക ഉദ്യോഗസ്​ഥനായ ഇയാൾ ബ്രിട്ടനുവേണ്ടി ചാരവൃത്തി നടത്തിയതിനെ തുടർന്ന്​ ശിക്ഷിക്കപ്പെട്ടിരുന്നു. 2010ൽ കുറ്റവാളികളെ കൈമാറുന്ന നടപടിയിലൂടെയാണ്​ ഇയാൾ ബ്രിട്ടനിലെത്തിയത്​. ഇദ്ദേഹത്തി​​െൻറ ഭാര്യയും മകനും കഴിഞ്ഞ രണ്ടു വർഷത്തിനിടെ മരിച്ചിരുന്നു.

സെർജിക്ക്​ നേരെയുണ്ടായ ആക്രമണത്തിനു​ പിന്നിൽ റഷ്യയാണെന്നാണ്​ സംശയിക്കപ്പെടുന്നത്​. എന്നാൽ, അന്വേഷണവുമായി സഹകരിക്കുമെന്നും ബ്രിട്ടൻ ഇക്കാര്യത്തിൽ ആവശ്യമൊന്നും ഉന്നയിച്ചിട്ടില്ലെന്നും റഷ്യൻ വൃത്തങ്ങൾ അറിയിച്ചു. അപകട സമയത്ത്​ സ്​ഥലത്തുണ്ടായിരുന്നവരെ കേന്ദ്രീകരിച്ചാണ്​ അന്വേഷണം പുരോഗമിക്കുന്നത്​.