Latest News

ഇന്ത്യക്കാരിയായ ദന്ത ഡോക്​ടറുടെ മൃത​ദേഹം സ്യൂട്ട്​കേസിൽ! കാര്‍ ഉപേക്ഷിക്കപ്പെട്ട നിലയില്‍, പ്രീതിയെ അവസാനമായി കണ്ടത് കാമുകനൊപ്പം

2019-03-07 02:49:36am |

സിഡ്​നി: ഇന്ത്യക്കാരിയായ ദന്തഡോക്ടറെ ആസ്‌ട്രേലിയയില്‍ കൊല്ലപ്പെട്ട നിലയില്‍ കണ്ടെത്തി. പ്രീതി റെഡ്​ഡി എന്ന 32കാരിയുടെ മൃതദേഹമാണ്  കാറിനുള്ളിലെ പെട്ടിയിൽ കണ്ടെത്തിയത്.  സിഡ്‌നിയിലെ  കിഴക്കന്‍ മേഖലയില്‍ ഉപേക്ഷിക്കപ്പെട്ട നിലയിലായിരുന്നു കാര്‍ എന്ന് ന്യൂ സൗത്ത് വെയില്‍സ് പൊലീസ്പറഞ്ഞു.

സിഡ്​നിയിലെ  ​െഗ്ലൻബ്രൂക്ക്​ ഡെൻൻറൽ സർജറി ആശുപത്രിയിലാണ്​ പ്രീതി റെഡ്​ഡി ജോലിചെയ്​തിരുന്നത്​. കഴിഞ്ഞ ഞായറാഴ്ച മുതല്‍ ഇവരെ കാണാതായിരുന്നു. സിഡ്​നിയിലെ മാർക്കറ്റ്​ സ്​ട്രീറ്റിൽ മുൻ കാമുകനൊപ്പമാണ്​ പ്രീതിയെ അവസാനമായി കണ്ടതെന്ന്​  ​ പൊലീസ് പറയുന്നു. 

 ചൊവ്വാഴ്ചയാണ്​ പ്രീതിയുടെ കാർ ഉപേക്ഷിക്കപ്പെട്ട  നിലയില്‍ കണ്ടെത്തിയത്​. തുടര്‍ന്ന് നടത്തിയ പരിശോധനയിലാണ് കാറിനുള്ളിലുണ്ടായിരുന്ന സ്യൂട്ട്​കെയ്​സിനുള്ളിൽ മൃതദേഹം കണ്ടത്​.  കുത്തേറ്റ നിലയിലായിരുന്നു മൃതദേഹം.

സ​െൻറ്​ ലിയോനാഡ്​സിൽ നടക്കുന്ന ഡെൻൻറൽ കോണ്‍ഫറന്‍സില്‍ പങ്കെടുക്കുന്നതിനായാണ് പ്രീതി റെഡ്​ഡി  ഞായറാഴ്​ച വീട്ടിൽ നിന്നും പുറപ്പെട്ടത്​. ഞായറാഴ്ച രാവിലെ 11 മണിക്കാണ് ഇവര്‍ വീട്ടുകാരുമായി ഒടുവില്‍ ഫോണില്‍ ബന്ധപ്പെട്ടത്. പ്രഭാത ഭക്ഷണത്തിനു ശേഷം തിരിച്ചെത്തുമെന്ന്​ പ്രീതി അറിയിച്ചെങ്കിലും കാണാത്തതിനെ തുടര്‍ന്ന്​ വീട്ടുകാര്‍ പരാതി നല്‍കുകയായിരുന്നു.  

ഇതിനിടെ തിങ്കളാഴ്​ച പ്രീതി റെഡ്​ഡിയുടെ മുന്‍ കാമുകൻ ഹർഷ്​ നാർഡെയെ റോഡപകടത്തില്‍ മരിച്ച നിലയില്‍ കണ്ടെത്തി.  ഇയാളും ഡെൻൻറിസ്​റ്റ്​ ആയിരുന്നു. ഞായറാഴ്​ച രാത്രി ന്യൂ ഇംഗ്ലണ്ട്​ ഹൈവേയിൽ ട്രക്കും കാറ​ും കൂട്ടിയിടിച്ചുണ്ടായ അപകടത്തിലാണ്​ ഹർഷ്​ കൊല്ലപ്പെട്ടത്​. 

പ്രീതിയും ഹർഷും മാര്‍ക്കറ്റ് സ്ട്രീറ്റിലെ ഗ്രീൻവിച്ചിലുള്ള  ഹോട്ടൽ അർബണിൽ ഞായാറാഴ്ച വരെ താമസിച്ചിരുന്നുവെന്ന്​ പൊലീസ് കണ്ടെത്തിയിരുന്നു. പ്രീതി റെഡ്​ഡിയുടെ തിരോധാനത്തിലും  ​കൊലയിലും കാമുക​​െൻറ മരണത്തിലും ദുരൂഹതകളുണ്ടെന്നും  സംഭവത്തെക്കുറിച്ച് വിശദമായ അന്വേഷണം നടത്തിവരികയാണെന്നും ന്യൂ സൗത്ത് വെയില്‍സ് പൊലീസ് അറിയിച്ചു.