Latest News

പള്ളികളിലെ ആക്രമണം: ​ഭീകര​െൻറ നയരേഖ ലഭിച്ചത്​ വെടിവെപ്പി​ന്​ ഒ​മ്പ​ത്​ മി​നി​റ്റ്​ മുമ്പെന്ന് ന്യൂ​സി​ല​ന്‍ഡ് പ്ര​ധാ​ന​മ​ന്ത്രി ജ​സീ​ന്ത ആ​ർഡേ​ൻ; കൃത്യം നടത്തിയത് ബ്രൻറൺ ഒറ്റക്ക്

2019-03-18 03:17:17am |

ക്രൈ​സ്​​റ്റ്​ ച​ര്‍ച്ച്:  മു​സ്‌​ലിം പ​ള്ളി​ക​ളി​ല്‍ ആ​ക്ര​മ​ണം ന​ട​ത്തു​ന്ന​തി​ന് ഒ​മ്പ​തു മി​നി​റ്റ്​ മു​മ്പാ​ണ്​ താ​ന​ട​ക്കം 30 പേ​ര്‍ക്ക് ആ​ക്ര​മി ബ്ര​ൻ​റ​ൺ ടാ​റ​ൻ​റ്​ 74 പേ​ജു​ള്ള  നയരേഖ അ​യ​ച്ചു ത​ന്ന​തെ​ന്ന് ന്യൂ​സി​ല​ന്‍ഡ് പ്ര​ധാ​ന​മ​ന്ത്രി ജ​സീ​ന്ത ആ​ർഡേ​ൻ. ആ​ക്ര​മ​ണം ന​ട​ത്തു​ന്ന സ്ഥ​ല​മോ മ​റ്റ് വി​വ​ര​ങ്ങ​ളോ ന​ല്‍കാ​തെ​യാ​ണ് ഇ-​മെ​യി​ല്‍  സ​ന്ദേ​ശ​മെ​ന്നും ര​ണ്ട് മി​നി​റ്റി​നു​ള്ളി​ല്‍ സു​ര​ക്ഷ ഉ​ദ്യോ​ഗ​സ്ഥ​ര്‍ക്ക് ഇ​ത് കൈ​മാ​റി​യെ​ന്നും പ്രതി കൂടുതൽ ആക്രമണത്തിന്​ പദ്ധതിയി​െട്ടന്നും ജ​സീ​ന്ത വാ​ര്‍ത്ത​സ​മ്മേ​ള​ന​ത്തി​ല്‍ പ​റ​ഞ്ഞു.  

തീ​വ്ര​ആ​ശ​യ​ങ്ങ​ളു​ള്ള നയരേഖ അ​ങ്ങേ​യ​റ്റം അ​സ്വ​സ്​​ഥ​ത​യു​ണ്ടാ​ക്കു​ന്ന​താ​ണ്. ഫേ​സ്​​ബു​ക്ക്​​ പോ​ലു​ള്ള സ​മൂ​ഹ​മാ​ധ്യ​മ​ങ്ങ​ളി​ലൂ​ടെ ആ​ക്ര​മ​ണ​ത്തി​​െൻറ ദൃ​ശ്യ​ങ്ങ​ൾ പ്ര​ച​രി​പ്പി​ക്കു​ന്ന​ത്​ വ​ലി​യ തെ​റ്റാ​ണ്. 
ഇ​ക്കാ​ര്യ​ത്തി​ൽ ഫേ​സ്​​ബു​ക്ക്​​ ചീ​ഫ്​ ഒാ​പ​റേ​റ്റി​ങ്​ ഒാ​ഫി​സ​ർ ഷെ​റി​ൽ സാ​ൻ​ഡ്​​ബ​ർ​ഗു​മാ​യി വി​ശ​ദീ​ക​ര​ണം തേ​ടി​യി​ട്ടു​ണ്ട്. മൃ​ത​ദേ​ഹ​ങ്ങ​ള്‍ ബ​ന്ധു​ക്ക​ള്‍ക്ക് വിട്ടുകൊ​ടു​ക്കു​ം. ബു​ധ​നാ​ഴ്ച​ക്കു​ള്ളി​ല്‍ ന​ട​പ​ടി​ക​ള്‍ പൂ​ര്‍ത്തി​യാ​ക്കും. കൊ​ല്ല​പ്പെ​ട്ട​വ​രു​ടെ കു​ടും​ബാം​ഗ​ങ്ങ​ൾ​ക്ക്​ മ​ര​ണാ​ന​ന്ത​ര ച​ട​ങ്ങു​ക​ൾ ന​ട​ത്താ​ൻ 10,000 ഡോ​ള​റി​​െൻറ ധ​ന​സ​ഹാ​യം അ​നു​വ​ദി​ക്കും. 

ആക്ര​മി​യെ ന​ട​പ​ടി​ക​ൾ​ക്കു​ശേ​ഷം ആ​സ്​​ട്രേ​ലി​യ​യി​ലേ​ക്ക്​ നാ​ടു​ക​ട​ത്ത​ണ​മെ​ന്ന്​ ​ചി​ല കോ​ണു​ക​ളി​ൽ​നി​ന്ന്​ അ​ഭി​​പ്രാ​യ​മു​യ​ർ​ന്നി​രു​ന്നു. എ​ന്നാ​ൽ, ന്യൂ​സി​ല​ൻ​ഡി​ലെ നി​യ​മ​വ്യ​വ​സ്​​ഥ​ക്ക​നു​സ​രി​ച്ച ഏ​റ്റ​വും വ​ലി​യ​ശി​ക്ഷ ന​ൽ​ക​ണ​മെ​ന്നാ​ണ്​ ആ​ഗ്ര​ഹി​ക്കു​ന്ന​തെ​ന്നും ജ​സീ​ന്ത കൂ​ട്ടി​ച്ചേ​ർ​ത്തു. ‘മ​ഹ​ത്താ​യ പു​നഃ​സ്ഥാ​പ​നം’ എ​ന്ന ത​ല​ക്കെ​ട്ടി​ലു​ള്ള നയരേഖ ടാ​റ​ൻ​റി​ൽ​നി​ന്ന്​ പൊ​ലീ​സ് പി​ടി​ച്ചെ​ടു​ത്തി​രു​ന്നു. 

കൃത്യം നടത്തിയത് ബ്രൻറൺ ഒറ്റക്ക്

ക്രൈ​സ്​​റ്റ്​ ച​ർ​ച്ച്​: ന്യൂ​സി​ല​ൻ​ഡി​ലെ അ​ൽ​നൂ​ർ, ലി​ൻ​വു​ഡ്​ പ​ള്ളി​ക​ളി​ൽ 50 പേ​രെ ആ​ക്ര​മി ബ്ര​ൻ​റ​ൺ ടാ​റ​ൻ​റ് (28)​ ഒ​റ്റ​ക്കാ​ണ്​ വെ​ടി​വെ​ച്ച്​ കൊ​ല​പ്പെ​ടു​ത്തി​യ​തെ​ന്ന്​ ന്യൂ​സി​ല​ൻ​ഡ്​ അ​േ​ന്വ​ഷ​ണ സം​ഘം അ​റി​യി​ച്ചു. സം​ഭ​വ​വു​മാ​യി ബ​ന്ധ​പ്പെ​ട്ട്​ മൂ​ന്നു പേ​രെ പൊ​ലീ​സ്​ അ​റ​സ്​​റ്റ്​ ചെ​യ്​​തി​രു​ന്നു. എ​ന്നാ​ൽ, ഇ​വ​ർ​ക്ക്​ കൂ​ട്ട​ക്കൊ​ല​യിൽ പ​ങ്കി​ല്ലെ​ന്ന്​ വ്യ​ക്ത​മാ​യ​താ​യി പൊ​ലീ​സ്​ ക​മീ​ഷ​ണ​ർ മൈ​ക്​ ബു​ഷ്​ പ​റ​ഞ്ഞു. അ​തി​നാ​ൽ, കൂ​ട്ട​ക്കൊ​ല ന​ട​ത്തി​യ​തി​ന്​ ടാ​റ​ൻ​റി​നെ​തി​രെ മാ​ത്ര​മാ​ണ്​ കു​റ്റം ചു​മ​ത്തി​യി​ട്ടു​ള്ള​ത്. അ​റ​സ്​​റ്റ്​ ചെ​യ്​​ത വ​നി​ത​യെ വി​ട്ട​യ​ച്ചി​ട്ടു​ണ്ട്. അ​തേ​സ​മ​യം, ആ​യു​ധം കൈ​വ​ശം വെ​ച്ച​തി​ന്​ ഒ​രാ​ൾ​ക്കെ​തി​രെ  കേ​സെ​ടു​ത്തു. 

അ​റ​സ്​​റ്റ്​ ചെ​യ്​​ത 18കാ​ര​നെ ഇ​ന്ന്​ കോ​ട​തി​യി​ൽ ഹാ​ജ​രാ​ക്കും. ടാ​റ​ൻ​റി​നെ ഏ​പ്രി​ൽ അ​ഞ്ചി​ന്​ വീ​ണ്ടും കോ​ട​തി​യി​ൽ ഹാ​ജ​രാ​ക്കും. ആ​ക്ര​മി​ക്ക്​ ക്രി​മി​ന​ൽ പ​ശ്ചാ​ത്ത​ല​മു​ള്ള​താ​യി വി​വ​ര​ങ്ങ​ൾ ല​ഭി​ച്ചി​ട്ടി​ല്ല. ഇ​യാ​ൾ​ക്ക്​ അ​ഞ്ച്​ തോ​ക്കു​ക​ൾ കൈ​വ​ശം വെ​ക്കാ​ൻ ലൈ​സ​ൻ​സ്​ ഉ​ണ്ടാ​യി​രു​ന്നു. വെ​ടി​വെ​പ്പി​ൽ പ​രി​ക്കേ​റ്റ 34 പേ​ർ ആ​ശു​പ​ത്രി​യി​ൽ ചി​കി​ത്സ​യി​ലാ​ണ്. അ​തി​ൽ നാ​ലു വ​യ​സ്സു​കാ​രി​യു​ടെ നി​ല ഗു​രു​ത​ര​മാ​ണ്. 

അജ്ഞാത ഉപകരണം; വിമാനത്താവളം അടച്ചു

ക്രൈ​സ്​​റ്റ്​ ച​ർ​ച്ച്​: സം​ശ​യ​ക​ര​മാ​യ സാ​ഹ​ച​ര്യ​ത്തി​ലു​ള്ള ഉ​പ​ക​ര​ണം ക​െ​ണ്ട​ത്തി​യ​തി​നെ തു​ട​ർ​ന്ന്​ ഞാ​യ​റാ​ഴ്​​ച ന്യൂ​സി​ല​ൻ​ഡി​ലെ ഡു​നഡിൻ വി​മാ​ന​ത്താ​വ​ളം പൊ​ലീ​സ്​ അ​ട​ച്ചു. വി​മാ​ന​ത്താ​വ​ള​ത്തി​ലേ​ക്കു​ള്ള പ്ര​ധാ​ന റോ​ഡും അ​ട​ച്ചി​ട്ടു​ണ്ട്. വി​മാ​ന​ത്താ​വ​ള​ത്തി​​​െൻറ പ​രി​സ​രം പൊ​ലീ​സ്​ പ​രി​ശോ​ധി​ച്ചു. മ​സ്​​ജി​ദു​ക​ളി​ലെ ​ഭീ​ക​രാ​ക്ര​മ​ണ​ത്തി​നു​ശേ​ഷം രാ​ജ്യം  ക​ന​ത്ത ജാ​ഗ്ര​ത​യി​ലാ​ണ്. ഡു​നഡിൻ ​ന​ഗ​ര​ത്തി​ലാ​ണ്​ ബ്ര​ൻ​റ​ൺ ടാ​റ​ൻ​റ്​ താ​മ​സി​ച്ചി​രു​ന്ന​ത്.